रास्ट्रिय सूचना दिवस- २०८२

११ महिना अगाडी २०८२-०५-०३

आज मिति २०८२ भाद्र ३ गते १९ औ राष्ट्रिय सूचना दिवसको अवसरमा जिल्लास्थित सरकारी कार्यालयका सूचना अधिकारीहरुसँगको समन्वयात्मक वैठक तथा अन्तरक्रिया कार्यक्रम सम्पन्न भएको छ । यस वर्षको सूचना दिवसको नारा: सूचना हाम्रो अधिकार-सुशासन र विकासको आधार भन्ने रहेको छ ।

उक्त कार्यक्रमा २ वटा कार्यपत्र प्रस्तुत गरिएको थियो। सूचनाको हक, कानुनी व्यवस्था र सूचना अधिकारीको भूमिका बिषयक कार्यपत्र सहायक प्रजिअ बिक्रम प्रसाद पाण्डेयले र हुलाक सेवाको परिचय र सूचनाको हक कार्यन्वनमा जिल्ला हुलाक कार्यालयको भूमिका बारेमा हुलाक अधिकृत ललिता देवी खनालले प्रस्तुत गर्नुभएको थियो । कार्यक्रमको अध्यक्षता प्रमुख जिल्ला अधिकारी श्री प्रेम प्रसाद लुइटेलले गर्नुभएको थियो। सवै सरकारी कार्यालयका सूचना अधिकारीहरुको सहभागिता रहेको कार्यक्रममा प्रजिअ लुइटेलले पारदर्शी र सरल रुपमा सूचना उपलब्ध गराउन सूचना अधिकारीहरुलाई निर्देशन दिनुभएको थियो ।